Siglir tar il cuntegn

Header

audio
Bunura: Musica accumpogna la naziunala svizra – cun il DJ Embolo
Or da Actualitad dals 02.07.2018.
laschar ir. Durada: 2 minutas 36 Secundas.
cuntegn

Naziunal/Internaziunal Breel Embolo en la rolla da DJ

Il DJ da la naziunala svizra da ballape è in dals pli giuvens cun in gust da musica tut spezial, numnadamain Breel Embolo ch’ha sias ragischs en il Camerun. Embolo preferescha la musica da hip hop ed RNB. El è dentant era in fan da Müslüm.

Sin viadi u en la cabina – Breel Embolo è quel che procura per buna luna e bun’atmosfera. Ses stil da musica na plascha dentant betg a tuts. Ses collega d’equipa Gelson Fernandes di schizunt che Embolo n’haja absolutamain nagin gust per buna musica. Mo midar ora il DJ na fetschian els tuttina betg a quest turnier, uschia Fernandes.

Er il defensur Michael Lang taidla pli gugent sia musica. Quella saja pli ruassaivla che la musica dad Embolo. Tuts n’èn pia betg dal tut cuntents cun il DJ Embolo. Mo tuts èn cuntents ch’el è en l’equipa, ussa dapi bun trais onn. Per cletg saja sia prestaziun meglra sin la plazza da ballape ch'en sia rolla da DJ. Là saja la prestaziun numnadamain miserabla di Gelson Fernandes cun in surrir.

RR actualitad 06:00

Artitgels legids il pli savens