Siglir tar il cuntegn
Inhalt

Naziunal/Internaziunal Brasilia, Costa Rica e Serbia èn ils adversaris da la Svizra

Purtret dal derschader che ha tratg il cedel cun si Switzerland or da la cuppa.
Legenda: La Svizra è en la gruppa E tar ils Campiunadis mundials 2018 en Russia. Keystone

Il Campiunadi mundial en Russia cumenza per la Svizra gia cun in punct culminant. L'emprim inscunter, ils 17 da zercladur a Rostow è cunter il campiun da record. Il 2013 ha la Svizra giugà e gudagnà cunter la Brasilia, e quai cun 1:0.

La Costa Rica è la gronda surpraisa da l'ultim Campiunadi mundial. Il pajais che vegn er numnà la Svizra da l'America centrala è vegnida en Brasilia enfin il quartfinal. Là ha l'equipa dentant pers la lutga da penalties cunter l'Ollanda.

La Serbia è er en la medema gruppa. E garantì la gronda nunenconuschenta. L'equipa è sa qualifitgada fin qua be ina giada per in Campiunadi mundial. Ella è en la gruppa E probablamain l'equipa la pli flaivla.

RR novitads 17:00