Cun il trenader Ilija Borenovic ch’ha 35 onns èn ils responsabels sa decidids per ina schliaziun interna. Enfin ussa ha il Serb trenà l’equipa da Losanna che dat en l’emprima liga.
Borenovic duai salvar Losanna en la Super League
Ilija Borenovic ha sez giugà pli baud tar il club da Losanna e tar ulteriurs clubs dal chantun Vad, quai en ligas pli bassas. Sia missiun è ussa da mirar ch’il club restia en la pli auta liga svizra, la Super League. Quai pensum surpiglia el ensemen cun in staff da total tschintg persunas, tranter auter Xavier Margairaz che surpiglia la rolla da trenader assistent.
Tar Lausanne-Sport che sa chatta actualmain a la cua da la tabella remplazza Borenovic il job da Fabio Celestini ch’è vegnì relaschà paucas uras suenter la terrada da 0:1 encunter Lucerna.