Naziunal/Internaziunal - Boner gudogna ultima cursa dals Ski Classics
La passlunghista grischuna Seraina Boner ha terminà la stagiun cun in’ulteriura victoria. Seraina Boner ha gudagnà la cursa da distanza lunga 'Arefällsloppet' avant Sofia Bleckur da la Svezia e Masako Ishida dal Giapun.
Per in’ulteriura victoria dal classament general da la seria da cursas Ski Classics n’hai questa stagiun però betg tanschì per Seraina Boner.
Suenter ch'ella ha gudagnà la seria da cursas gia trais giadas, è ella vegnida segunda questa giada, davos Katerina Smutna da l'Austria. Part da la seria da cursas Ski Classics è er la Diagonela da Zuoz.
