Naziunal/Internaziunal - Bloccadas cunter Rossini e Djuric èn reducidas
La dretgira da recurs da la Liga da ballape svizra ha sbassà il chastì cunter ils giugaders da Lugano, Patrick Rossini ed Igor Djuric. Els èn serrads per 2 gieus empè per 12 gieus.
La dretgira ha confermà la decisiun da la cumissiun disciplinara ch’il chastì d'ina serrada per 12 gieus ed 8000 francs saja dentant memia aut.
En la fasa finala da l'ultima stagiun da la Challenge League avevan Rossini e Djuric fatg amogna e pajà a giugaders da Schaffhausen ina premia, sch'els gudognian cunter ils concurrents da Lugano, il club da Servette.
