Siglir tar il cuntegn
cuntegn

Naziunal/Internaziunal Blera precisiun tar Marcel Hirscher

L'Austriac gudogna a moda suverana il slalom a Kitzbühel. Per Hirscher è quai la segunda giada ch'el gudogna il slalom da Kitzbühel suenter il 2013. El è vegnì en l'arrivada cun in avantatg da 1,92 secundas. La fin da la cursa era ses avantatg sin il segund 0,76 tschientavels.

Marcel Hirscher ha demonstrà sia fermezza.
Legenda: Marcel Hirscher cun ina demonstraziun da fermezza. Keystone

Il segund, il Brit Dave Ryding ha scrit istorgia. Quai è l'emprima giada insumma ch'in Brit vegn sin il podest d'in slalom da la cuppa mundiala. Terz è il Russ Alexander Choroshilow.

Bun resultat per Yule

Daniel Yule vegn 5avel - per el è quai il segund meglier resultat en la cuppa mundiala. En ils top 15 è er Ramon Zenhäusern ch'è vegnì 12avel. Ils resultats dals ulteriurs Svizzers: Reto Schmidiger è vegnì 22avel e Marc Gini 23avel.

RR novitads 15:00