Siglir tar il cuntegn

Header

Navigaziun

Birkir Bjarnason en il dress dal FC Basilea.
Legenda: Birkir Bjarnason ha giugà 64 partidas per l'FCB e marcà 17 gols. Keystone
cuntegn

Naziunal/Internaziunal Birkir Bjarnason mida definitiv en l'Engalterra

Il giugader da ballape da l'Islanda Birkir Bjarnason che gioga en Svizra per l’FC Basilea mida per trais onns e mez tar Aston Villa en la segund auta liga da l’Engalterra.

Bjarnason ha tar l’FC Basilea anc in contract fin il zercladur 2018. Vegni tar il campiun da record en Svizra era Bjarnason il fanadur 2015 ord la Seria B en l’Italia dal club Delfino Pescara. Per Basilea ha Bjarnason che ha 28 onns absolvì en tut 64 gieus ed ha marcà en tut 17 gols.

La summa da transfer munta tenor medias englaisas a dus milliuns francs. Aston Villa è il mument en la segund ferma liga da l’Engalterra sulet sin posiziun 13. Il retard sin ina plazza da playoff munta a 9 puncts.

RR novitads 15:00