Dumengia na vegn Bienna betg a giugar cunter il leader da la tabella, Lausanne-Sports. Latiers ha il club communitgà ch'il trenader Zlatko Petricevic saja vegnì relaschà per immediat. Durant il gieu dad ier, che Bienna ha pers cun 1:6 cunter Schaffusa, aveva el dà ina enturn las ureglias a l'agen massader.
Stritgà quatter puncts
La dretgira da recurs da la Swiss Footbal League ha plinavant confermà ch'ins haja tratg giu a Bienna duas giadas dus puncts pervi d'avair cuntrafatg a l'obligaziun d'infurmaziun. Cun en tut 5 puncts minus è Bienna entant a la cua da la tabella da la Challenge League. Latiers smanatscha a Bienna la deducziun da trais ulteriurs puncts perquai ch'i mancan documents da paja e da prestaziun sociala.
RR novitads 16:00