Siglir tar il cuntegn

Header

cuntegn

Naziunal/Internaziunal Bieler cun emprims puncts da la cuppa mundiala

Dal skiatlon a Pyeongchang en la Corea dal sid ha l'atlet grischun Livio Bieler realisà il meglier resultat da sia carriera. El è vegnì 14avel.

Suenter ils 15 kilometers en stil classic era Bieler anc sin la plazza 15. Quai haja dentant duvrà bler forza, ha Bieler ditg. Uschia haja el stuì ir precaut per betg survegnir ina crisa. Sco 14avel ha il passlungist da Panaduz la finala pers duas minutas e mez sin il victur, il Russ Peter Sedow.

Era Käser e Cologna cun puncts

Ils dus ulteriurs svizzers han era recaltgà puncts da la cuppa mundiala, Erwin Käser è vegnì 21avel e Gianluca Cologna 23avel. Lur retard sin il victur da sis minutas e dapli è dentant considerabel. La cursa da skiatlon da las dunnas ha gudagnà la Polacca Justyna Kowalczyk.

Participaziun magra pervi da Lahti

Pervi dal campiunadi mundial a Lahti che stat avant porta, n'èn blers top-atlets betg stads a la partenza en la Corea dal sid. La cursa dals umens han 37 atlets fatg.

RR novitads 10:00

Artitgels legids il pli savens