Siglir tar il cuntegn

Header

cuntegn

Naziunal/Internaziunal Biatlon: Record per Laura Dahlmeier

Cun sia victoria en il start da massa ha Laura Dahlmeier gudagnà da las sis pussaivlas medaglias d’aur tschintg.

Sin il segund plaz è l’Americana Susan Dunklee e terza è la Finlandaisa Kaisa Mäkäräinen.

Partenza fallada da Gesparin

Ina partenza fallada cun dus sbagls da tir tar l'emprim stan ha impedì in bun resultat da Selina Gasparin. Ella ha finì la cursa sin plaz 18. En la loipa ha l'Engiadinaisa tegnì pitg a la concurrenza. Ulteriuras Svizzras n'èran betg a la partenza.

Umens - aur per la Germania

Simon Schempp da la Germania ha gudagnà aur a Hochfilzen en Austria. Il Tudestg ha gudagnà il start da massa ch’è a medem temp era stà l’ultima cursa dals campiunadis. Segund è vegnì il Norvegiais Johannes Thingnes Bö e terz l’Austriac Simon Eder.

Ils dus Svizzers Serafin Wiestner e Mario Dolder han finì la cursa sin ils plazs 29 e 30.

RR actualitad 14:00

Artitgels legids il pli savens