Siglir tar il cuntegn

Header

audio
Jörn Wollschläger è stà ils davos 7 onns schef-trenader dals biatlets svizzers.
Or da Sportissimo dals 22.03.2020.
laschar ir. Durada: 05:03 minutas.
cuntegn

Biatlon Jörn Wollschläger banduna Swiss Ski

Tar Swiss Ski datti ina midada en vista a la nova stagiun da biatlon. Jörn Wollschläger, trenader dals biatlets svizzers enturn il Vallesan Benjamin Weger u Serafin Wiestner da Trin, è sa retratg per la fin da la stagiun 2019/2020.

La decisiun da bandunar Swiss Ski suenter nov onns ha Jörn Wollschläger prendì gia avant pliras emnas. Dapi la stagiun 2013/2014 è il Tudestg da 41 onns stà responsabel sco schef-trenader dals biatlets svizzers en la cuppa mundiala. Avant ha el lavurà durant duas stagiuns sco assistent da Steffen Hauswald.

Jörn Wollschläger vul en l’avegnir puspè passentar dapli temp tar sia famiglia a Thüringen en Germania. Tgi che daventa successur da Wollschläger sco trenader naziunal dals umens n’è anc betg enconuschent.

RTR Sportissimo 17:00