Siglir tar il cuntegn

Header

video
Sturla Holm Lägreid cuntanscha l'arrivada
Or da Sport-Clip dals 28.11.2020.
laschar ir
cuntegn

Biatlon Atlets ed atletas svizras cumenzan mudestamain

A Kontiolahti en la Finlanda daventa Aita Gasparin meglra Svizra en la cursa sur 15 kilometers. Ella vegn 34avla, cun in retard da passa trais minutas. Malgrà cundiziuns perfetgas ha ella fatg dus sbagls da sajettar quai che ha muntà duas minutas da chastì. Sia sora Selina n'è betg partida pervi d'in dafraid. Lena Häcki ha suenter trais sbagls cuntanschì plaz 40. Gudagnà la cursa da las dunnas ha la Taliana e defensura da la culla gronda Dorothea Wierer da l'Italia

Surpraisa norvegaisa tar ils umens

La stagiun dal biatlon cumenza cun ina surpraisa. Sturla Holm Lägreid gudogna la cursa sur 20 kilometers. Il Norvegiais da 23 onns resta senza sbagl vi dal stan da sajettar e fa uschia si'emprima victoria en la cuppa mundiala. Segund davent ses cumpatriot Johannes Tingnes Bö, terz Erik Lesser da la Germania.

Benjamin Weger betg en ils top 30

Meglier Svizzer è Benjamin Weger sin plaz 33 ( 4:08,7). Pers temp ha Weger sin la loipa. Suenter plirs mais da pausa ha el cumenzà ses trenament da stad cun retard. El ha duvrà pliras mais per puspè vegnir intern il numer 1.

  • 44avel Jeremy Finello 4:48,4
  • 54avel Niklas Hartweg 5:57,3
  • 60avel Sebastian Stalder 6:25,8

RTR novitads 14:00+

Artitgels legids il pli savens

Scrollar a sanestra Scrollar a dretga