Siglir tar il cuntegn

Header

cuntegn

Naziunal/Internaziunal Biatlets svizzers trumpeschan

Ils biatlets svizzers han giu pauc da rir oz en la cursa da persecuziun a Pokljuka en la Slovenia. Il meglier Svizzer, Benjamin Weger ha stuì sa cuntentar cun il 38avel plaz.

Cun 6 sbagls da sajettar èsi stà grev per Benjamin Weger da realisar in resultat positiv en la cursa da persecuziun sur 12,5 kilometers. Partì sco 20avel, il plaz cuntanschì avant dus dis en il sprint, è Weger la fin finala vegnì 38avel. Anc mender èsi ì als ulteriurs Svizzers: Serafin Wiestner da Trin è vegnì 48avel e Martin Jäger 53avel.

Schempp gudogna avant il leader

Gudagnà la cursa a Pokljuka ha il Tudestg Simon Schempp ch'aveva gia gudagnà il sprint. Schempp ha fatg nagins sbagls da sajettar ed ha la finala triumfà cun in avantatg da 16,6 secundas sin il leader ed actualmain meglier biatlet, il Franzos Martin Fourcade. Terz è il Russ Anton Schipulin vegnì. Il Norvegiais Ole Einar Björndalen è vegnì 8avel.

Sportissimo 17:00

Artitgels legids il pli savens