Siglir tar il cuntegn
Inhalt

Naziunal/Internaziunal Berna gudogna era segund gieu cunter Zug

Il SC Berna ha festivà ina segunda victoria en il segund gieu da final dals playoffs encunter igl EV Zug. Il defensur dal titel ha battì ordaifer l’equipa da la Svizra Centrala cun 4:2 e maina uschia la seria da best of seven cun 2:0.

La partida da EV Zug vs SC Berna en acziun cumplaina.
Legenda: La partida dal EV Zug vs l'SC Berna en acziun cumplaina. Keystone

Malgrà ch’igl EV Zug ha mussà tut in’autra fatscha en il segund gieu da final n’hai la finala tuttina betg tanschì da franar ils da Berna.

Il defensur dal titel ha per dentant er giu il cletg da sia vart, quai oravant tut tar il 3:2 en la 42avla minuta, il gol ch’ha er muntà la decisiun. Zug ha en las davosas minutas fatg tut il pussibel da vegnir enavos en il gieu, mo cun il 4a2 en il gol vit ha Berna la finala fatg tut cler. Al SC Berna mancan ussa anc duas victorias per defender il titel.

Ambri batta Langenthal

En il final da la qualificaziun da liga per il davos plaz en la liga naziunala A ha Ambri-Piotta battì il campiun da la liga naziunala B, il SC Langenthal, ordaifer cun 2:1 suenter prolungaziun. Ils Tessinais mainan la seria cun 2:0 ed han uschia pudì far in ulteriur pass per pudair restar en la meglra liga da hockey en Svizra.

RR actualitad 23.00