Siglir tar il cuntegn

Header

Navigaziun

In cumbat en in gieu da hockey
Legenda: In cumbat durant la partida tranter il SC Berna e Jyväskylä. Keystone
cuntegn

Naziunal/Internaziunal Berna e Friburg reusseschan en la CHL

Omadus clubs svizzers ch'han giugà il mardi saira en la Champions Hockey League, cuntanschan ils quart-finals. Ed omadus fruntan là sin clubs da la Tschechia.

Suenter la victoria da 3:2 en l'emprim gieu, ha il SC Berna cuntanschì ordaifer cunter il club finlandais Jyväskylä in pari 3:3. E Friburg-Gottéron gudogna cunter in ulteriur club finlandais, KalPa Kuopio, cun 3:2 suenter prolungaziun. En l'emprim gieu avevi dà in pari.

En ils quart-finals frunta il SC Berna sin Sparta Prag, e Fribourg-Gottéron sin Vitkovice Ostrava. E damai che dus ulteriurs clubs svizzers fruntan damaun in sin l’auter, quai èn ils ZSC Lions ed il HC Lugano, cuntanscha segir era in da quels ils quart-finals da la Champions Hockey League.

RR novitads 23:00