Bencic persvada da bell’entschatta

Belinda Bencic ha cumenzà cun success la nova stagiun da tennis. A Brisbane en l'Australia ha Bencic battì en l'emprima runda la Taliana Sara Errani cun 6:1 e 6:2.

La giugadra da tennis Belinda Bencic.

Legenda da maletgs: Belinda Bencic en plaina concentraziun. Keystone

Bencic ha dominà sia adversaria en tut reguards, ed ha stuì dar giu sulettamain 3 games. Suenter 55 minutas è la partida stada a fin. La proxima adversaria da la giugadra da 18 onns è l'Americana Samantha Crawford.

Main bain aveva la stagiun cumenzà per la segunda giugadra svizra al turnier WTA a Brisbane. La dumengia ha Timea Bacsinszky na gì nagina schanza cunter la Russa Anastasia Pawljutschenkowa, e pers cun 2:6 e 1:6.

RR Novitads 06:00