Siglir tar il cuntegn

Naziunal/Internaziunal Bencic manchenta mezfinal da Fedcup

En il mezfinal cunter la Tschechia sto il team da Fedcup svizzer desister da Belinca Bencic. Il numer 10 dal mund sto far ina pausa d’almain quatter emnas pervi d’ina blessura dal dies.

La giugadra da tennis svizra Belinda Bencic.
Legenda: Pausa sfurzada. Il dies da Belinda Bencic dola. Keystone

Proxima fin d’emna è a Lucerna il mezfinal dal Fedcup. La Svizra frunta lura sin la Tschechia, dentant senza Belinda Bencic. Dapi il turnier da WTA ad Indian Wells patescha ella d’ina blessura dal dies. Perquai sto la giugadra da tennis uss far ina pausa d’almain quatter emnas.

Tgi che duai remplazzar Bencic en il mezfinal l’emna proxima n’ha il capitani dal team da Fedcup Heinz Günthardt anc betg decis. A la squadra svizra appartegnan Timea Bacsinszky (WTA 17), Viktorija Golubic (WTA 137) e Martina Hingis (dubel WTA 1).

RR novitads 14:00