Bencic fa puspè il pass en in final

Belinda Bencic cuntanscha il final dal turnier da tennis a Tokio, quai cun batter il numer 1 dal turnier.

Belinda Bencic giubilescha.

Legenda da maletgs: Belinda Bencic giubilescha suenter sia victoria cunter Caroline Wozniacki dal Danemarc. Reuters


Sportissimo: Bencic en il final

2:22 min, Sportissimo dals 26.09.2015

En il mezfinal gudogna la Svizra da 18 onns cunter la Danaisa Caroline Wozniacki suenter 1 ura e 25 minutas, cun 6:2 e 6:4.

Sin via en ils top ten

Quai è la quarta giada en questa stagiun che Bencic arriva en il final d'in turnier. En il final a Tokio frunta ella ussa sin la Polaca Agnieszka Radwanska. Quella ha fatg curtas cun la Slovaca Dominika Sibulkova, e gudagnà cun 6:4 e 6:1. Gudagnass Bencic il final, vegniss ella per l’emprima giada en sia carriera tranter ils top ten.

Bacsinszky fa pausa

Entant ha la segunda Svizra en il tennis mundial, Timea Bacsinszky, annunzià via twitter da vulair far ina pausa. Ella desistia da sa participar l’emna che vegn al turnier a Wuhan en la China, ella na sa sentia betg dal tut fit. Las davosas emnas ha Bacsinszky pers tar plirs turniers las partidas da l’emprima runda.

RR Novitads 08:00