Siglir tar il cuntegn
Inhalt

Naziunal/Internaziunal Bencic croda ord las meglras 100

Da nov è la giugadra da tennis Belinda Bencic mo anc il numer 129, la quart meglra Svizra. Perquai che Bencic n'ha betg pudì defender ses puncts gudagnads l'onn passà en il final a Sankt Petersburg ha ella pers ulteriuras 48 plazzas.

Belinda Bencic sa posa sin ses rachet da tennis.
Legenda: Raschun per laschar pender il chau: Belinda Bencic è curdada or da las meglras 100 giugaduras da tennis en la rangaziun mundiala. Keystone

Perquai che Belinda Bencic n'ha betg pudì defender ses puncts gudagnads l'onn passà en il final a Sankt Petersburg ha ella pers 48 plazzas en la rangaziun mundiala ed e crudada or da las meglras 100. Avant era ella sin plaz 81.

Quart meglra svizra

Da nov è la giugadura da tennis da 19 onns anc il numer 129, la quart meglra svizra. Meglra svizra è vinavant Timea Bacsinszky sco numer 15, Viktorija Golubic è il numer 62 e Stefanie Vögele il numer 117.

Quai po dentant midar svelt puspè - Bencic mussava en il Fed-Cup-Final encunter la franzosa Pauline Parmentier tendenzas creschentas. Ella è sa megliurada sin custs da la russa Jelena Wesnina per in plaz. La meglra giugadura da tennis è entant anc adina l'americana Serena Williams avant la tudestga Angelique Kerber.

RR actualitad 12:00