Siglir tar il cuntegn
cuntegn

Naziunal/Internaziunal Beat Feuz manchenta il podest a Garmisch

Ils umens svizzers manchentan era en la quarta cursa rapida da la stagiun ina plazza da podest. Beat Feuz vegn 5avel e manchenta sin l’American Travis Ganong 66 tschientavels. Carlo Janka vegn 9avel.

L'American Travis Ganong gudogna a Garmisch.
Legenda: L'American Travis Ganong gudogna a Garmisch. Keystone

Il podest

  • 1. Travis Ganong (USA)
  • 2. Kjetil Jansrud (No) +0,38
  • 3. Peter Fill (It) +0,52

L’American Travis Ganong gudogna sia segunda cursa rapida da la carriera suenter sia victoria il december 2014 a Santa Caterina. Il 2015 era Ganong vegnì segund als Campiunadis mundials a Bever Creek segund davos il Svizzer Patrick Küng.

Ils Svizzers

  • 5. Beat Feuz (+0,66)
  • 8. Carlo Janka (+1,05)
  • 11. Patrick Küng (+1,30)
  • 16. Mauro Caviezel (+2,30)
  • 18. Niels Hintermann (+2,38)
  • 24. Urs Kryenbühl (+2,68)
  • 27. Nils Mani (+2,98)
  • 35. Ralph Weber (+3,73)

La cursa rapida era vegnida fatga a Garmisch sco remplazzamant da la cursa rapida al Lauberhorn. Pervi da pliras cupitgadas è la cursa a Garmisch stada interrutta pliras giadas. Damaun vegn alura puspè manà atras ina cursa rapida a Garmisch.

RR novitads 16:00