Siglir tar il cuntegn
Inhalt

Naziunal/Internaziunal Beat Feuz gudogna la culla pitschna da la cursa rapida

Il Bernais gudogna il classament spezial da la cursa rapida - per l'emprima giada. En l'ultima cursa da la stagiun ad Are ha Feuz duvrà ina plazza tranter ils megliers sis en cas che l'ultim rival per la culla, Aksel Lund Svindal, gudogna la cursa.

Il skiunz Beat Feuz tegn en maun la culla da cristal pitschna.
Legenda: Per l'emprima giada gudogna il Bernais la culla pitschna da la cursa rapida. Keystone

Il Norvegiais è dentant stà per otg tschientavels pli plaun ch'il Svizzer. Beat Feuz ha terminà questa stagiun set da las nov cursas rapidas sin il podest. Tar ils umens è el l'emprim Svizzer dapi set onns che gudogna la culla pitschna da cristal. L'ultim era Didier Cuche che ha gudagnà il 2011 tant la culla pitschna da la cursa rapida sco er quella dal Super-G.

Gudagnà l'ultima cursa rapida da la stagiun en la Svezia han ex-aequo ils dus Austriacs Vincent Kriechmayr e Matthias Mayer ch'èn stads per quatter tschientavels pli spert che Feuz.

Mauro Caviezel è vegnì 19avel en l'ultima cursa da la stagiun. En il classament da disciplina è Caviezel sin posiziun 12.

RR novitads 14:00