Siglir tar il cuntegn

Header

cuntegn

Naziunal/Internaziunal Bayern München ed Atletico Madrid èn vinavant

Uschia èn Bayern München ed Atletico Madrid sa qualifitgads per il mezfinal da la Champions League. A Bayern München ha bastà in pari da 2:2 cunter Benfica Lissabon, ed Atletico Madrid ha battì il FC Barcelona cun 2:0.

Barcelona na dastga betg defender il titel

Il 0:2 cunter Atletico Madrid munta la fin da la Champions League per Barcelona, quai suenter la victoria dad 2:1 en l'emprim gieu. Ils gols per ils Catalans ha sajettà omadus il Franzos Griezmann; en la 36avla minuta cun il chau ed la 88avla minuta tras penalti.

Bayern München la 5. giada en mezfinal

Suenter la victoria dad 1:0 en l'emprim gieu cunter Benfica Lissabon, ha bastà il pari da 2:2 en il «Estadio da Luz» per la qualificaziun. Benfica ha gì speranzas mo l'entschatta dal gieu cun il 1:0 da Jimenez en la 27avla minuta. Gia 11 minutas pli tard ha però Vidal egualisà e Müller ha sajettà il 2:1 per Bayern en la segunda mesadad.

Ils mezfinals

Las autras 2 squadras en il mezfinal da la Champions League èn Real Madrid e Manchester City. Ellas eran sa qualifitgadas en ils gieus da stersas saira.

Damaun venderdi vegn tratg la sort, tgi che frunta sin tgi en ils mezfinals da la Champions League da ballape.

RR novitads 23:00/06:00

Artitgels legids il pli savens