Siglir tar il cuntegn

Header

Navigaziun

Il coach d'Arsenal Arsène Wenger.
Legenda: N'ha betg bunas regurdientschas dals Bavarais Il coach d'Arsenal Arsène Wenger. Keystone
cuntegn

Naziunal/Internaziunal Bayern - Arsenal e PSG - Barcelona sco highlights

Las paregliaziuns dals otgavelfinals da la Champions League èn enconuschentas. Ils duels Bayern cunter Arsenal e Paris St. Germain cunter Barcelona procuran per tensiun. Els èn gia ina sort tradiziun.

La victoria da gruppa n’ha betg procurà per ina meglra situaziun da partenza per Arsenal e Barcelona. Cun Bayern München han ils Englais tratg l’adversari da tema. L’ultima partida il november 2015 – en la fasa da gruppa – avevan ils «Gunners» pers cun 1:5. Trais giadas èn ils Englais crudads or en la fasa da K.o. cunter ils maisters da record tudestgs.

Er PSG - Barcelona è ina nova ediziun

Puspè ina giada frunta Barcelona sin Paris St. Germain. Er quest dus super-clubs èn gia s’inscuntrads trais giadas en la fasa da K.o. (però trais giadas en ils quartfinals. Ils Catalans han gudagnà duas giadas (2012/13 e 2014/15). PSG è vegnì vinavant en la staziun 1994/95.

Ils emprims gieus èn ils 14/15 ed ils 21/22 da favrer 2017. Ils gieus da return èn lura ils 7/8 ed ils 14/15 da mars.

Survista dals otgavelfinals

Bayern München
- Arsenal
Benfica Lissabon- Borussia Dortmund
Leverkusen- Atletico Madrid
Manchester City- AS Monaco
Paris St. Germain- FC Barcelona
FC Porto- Juventus Turin
Real Madrid- Napoli
FC Sevilla- Leicester City

RR novitads 14:00