Basilea gudogna en extremis cunter Losanna

En l'otgavla runda da la Super League ha Losanna pers a moda amara cunter il campiun svizzer. Da pausa manava l'equipa da Fabio Celestini cun 1:0. Pir en la 93avla minuta èsi gartegià a l'FC Basilea da gudagnar cun 2:1. Per l'FCB è quai l'otgavla victoria en l'otgavel gieu da la nova stagiun.

purtret da dus ballapedists che cumbattan per la balla

Legenda da maletgs: Grond cumbat tranter il campiun da seria e la squadra promovida da Losanna. Keystone

L'FCB ha uschia pudì engrondir anc pli fitg la distanza en la tabella cunquei ch'il segund e terz han dà giu puncts. Lucerna e Sion han giugà pari 2:2 e Vaduz ha fatg a chasa in pari da 0:0 cunter il Young Boys.

RR novitads 23:00