Il FC Basilea cuntanscha per 22avla giada il final da la cuppa svizra. La squadra da Basilea gudogna ordaifer cunter il FC Turitg cun 1:3. Gia suenter 5 minutas aveva Noah Okafor sajettà il 0:1 per Basilea. En la 87avla minuta ha alura Zdravko Kumanovic decidì cun il 0:2 la partida a favur dal FCB. Be intginas minutas avant aveva l'arbiter dentant sulettamain dà mellen a Kuzmanovic per in act da violenza envers Alain Nef. En la prolungaziun ha alura Albjan Ajeti sajettà il 0:3 per Basilea. A Turitg è sulettamain resta in gol da consolaziun en la 94avla minuta entras Stephen Odey.
En il final frunta il FC Basilea sin il FC Thun. La squadra Bernaisa aveva gudagnà il mardis cunter Lucerna cun 1:0. Il victur da la cuppa svizra sa qualifitgescha direct per la fasa da gruppa en l'Europa League.
RR novitads 23:00
