Siglir tar il cuntegn
Inhalt

Naziunal/Internaziunal Basilea cun victoria en la qualificaziun per la Champions League

Cunter l'equipa polacca gudogna il campiun svizzer l'FC Basilea ordaifer cun 3:1.

Il giugader austriac da Basilea Marc Janko suenter ch'el ha sajettà il gol tar il 2:1.
Legenda: L'FC Basilea gudogna cunter l'equipa polacca da Lech Posen ordaifer cun 3:1. Il giugader austriac Marc Janko marca il 2:1. keystone

L'FC Basilea ha fatg in grond pass vers ils playoffs per sa qualifitgar puspè per la Champions League. Cun ina victoria da 3:1 ordaifer cunter l'equipa polacca da Lech Posen en la terza runda da qualificaziun per la Champions League en las premissas bunas.

En l'emprima mesadad aveva Michael Lang marca en la 34avla minuta l'emprim gol per Basilea. Curt suenter en la 36avla minuta po alura l'equipa da Lech Posen egualisar la partida tras Denis Thomalla.

Suenter la pausa ha l'equipa da la Pologna stuì prender encunter ina carta cotschna e Shkelzen Gashi manca en la 67avla minuta da marcar in gol tras penalti.

Alura pon ils giugaders novs sin il plaz Marc Janko en la 77avla minuta marcar il segund gol per Basilea e curt avant la fin en la 92avla minuta marca Davide Calla il 3:1 per l'FCB.

RR novitads 23:00