Siglir tar il cuntegn

Header

Navigaziun

Giugaders da ballape sin il plaz.
Legenda: Il prim gol da la partida ha Luis Suarez (dretg) sajettà. Keystone
cuntegn

Naziunal/Internaziunal Barçelona scriva istorgia

A moda spectaculara è Barçelona sa qualifitgà per il quartfinal da la Champions League. Suenter ch'ils Catalans avevan pers il gieu d'ordaifer cunter Paris Saint Germain cun 0:4 ha Barça vulvì il gieu a chasa e gudagnà gist cun 6:1.

Igl è l’emprima giada en la Champions League ch’in club ch'ha pers il prim gieu cun 0:4 vegn anc ina runda vinavant.

En l'88avla minuta stevi mo 3:1 per Barçelona. Quai avess bastì per ils Franzos da vegnir vinavant e cuntanscher il quartfinal. Ma en las ultimas minutas ha Barçelona anc marcà trais gols.

En l'auter gieu d'otgavel final ha Borussia Dortmund battì Benfica Lissabon cun 4:0 ed è uschia medemamain sa qualifitgà per il quartfinal.

RR novitads 23.00