Il prim duel spagnol ha Barcelona decis cun 2:1 cunter Atletico Madrid. Um dal gieu per ils Catalans è stà Surarez ch’ha sajettà omadus gols per la squadra ospitanta. Atletico è ì en avantatg en la 25avla minuta grazia ad in gol da Torres.
En la 35avla minuta ha quel però vesì la carta melna-cotschna. En la segunda mesadad ha Barcelona lura fatg squitsch. En la 51avla minuta ha Neymar però be tutgà la latta. Pir en la 63avla minuta è crudà il 1:1. Radund 10 minutas pli tard è lura reussì il 2:1.
Bayern gudogna be stretg
Bayern München ha pudì festivar ina stretga victoria cunter Benfica Lissabon. Il campiun da record tudestg ha battì ils Portugais a chasa cun 1:0. Per il trander Pep Guardiola èsi stà la 116 victoria en il 150avel gieu a la lingia da Bayern.
Il suelt gol ha sajettà Vidal. Il Chilen ha tutgà il gol suenter be 107 secundas cun il chau. Malgrà l’avantatg han ils Tudestgs gì grev. Benfica fatg resistenza ed è er vegnì tar schanzas.
RR novitads 06:00