Goran Djuricin daventa a partir dad immediat nov trenader tar ils Grasshoppers. L’Austriac da 45 onns è tranter auter stà trenader tar Rapid Wien. Il davos è el stà trenader tar blau-alv Linz en la segund-auta liga austriaca. Per raschun da problems finanzials dal club è quest contract dentant vegnì schlià sin la fin dal 2019.
Djuricin succeda tar GC ad Uli Forte ch'è vegnì relaschà la sonda suenter la terrada da 1:4 cunter Lausanne-Ouchy.
RTR novitads 11:00
