Premiera. Per l’emprima giada ha l’equipa naziunala da las dunnas Ollandaisas gudagnà il titel da campiunessas d’Europa. L’Ollanda ha gudagnà tut las sis partidas dal turnier en l'agen pajais e gudagnà uschia meritadamain il titel. En il final ha l’equipa indigena pudì storscher la partida encunter il Danemarc. Era l’equipa da la Scandinavia era per l’emprima giada en il final.
Per las equipas favurisadas da la Germania (sis titels en seria fin l’onn 2013), da la Svezia e da la Frantscha era il turnier a fin gia en ils quart finals. Nagina da las naziuns menziunadas ha savì cumbatter fin il davos per il titel.
RR actualitad 17:00