Siglir tar il cuntegn
Inhalt

Naziunal/Internaziunal Bacsinszky en il mezfinal a Paris

Timea Bacsinszky stat en il mezfinal dal French Open a Paris. La Svizra ha battì la Franzosa Kristina Mladenovic en dus sets cun 6:4 e 6:4. Suenter il 2015 è quai la segunda giada che Bacsinszky cuntanscha il mezfinal.

la giugadra da tennis Timea Bacsinszky
Legenda: La giuvna Svizra è gia per la segunda giada en il mezfinal dal French Open. Keystone

Pervi da la plievgia è il gieu stà interrut duas giadas. L'emprima giada per bunamain 3 uras tar il stan da 6:4 ed 1:1. Suenter l'emprima interrupziun ha Bacsinszky stuì prender encunter in break, ha dentant pudì prender giu duas giadas il service a la Franzosa. Tar il stan da 4:3 è il gieu danovamain stà interrut per circa 20 minutas.

La gievgia frunta ella en il mezfinal cunter la Lettona Jelena Ostapenko.

RR novitads 20:00