Avunda dad ir cun skis

La skiunza austriaca Nicole Hosp terminescha sia carriera. Quai ha l'atleta da 31 onns communitgà ad ina conferenza da pressa.

La skiunza Nicole Hosp cun ils skis enta maun.

Legenda da maletgs: 12 giadas è Nicole Hosp stada sissum il podest d'ina cursa da la cuppa mundiala. Keystone

Hosp ha dà ses debut en la cuppa mundiala il schaner 2001 en la vegliadetgna da mo 17 onns. Ella ha gudagnà en tut 3 medaglias olimpicas, nov medaglias a campiunadis mundials ed ha realisà 12 victorias en la cuppa mundiala.

Il pli grond success da Hosp è stà il 2007 cura ch'ella ha gudagnà il classament general da la cuppa mundiala.

RR novitads 12.00