Siglir tar il cuntegn
cuntegn

Naziunal/Internaziunal Australian Open: Stan Wawrinka en il mezfinal

Quai suenter che Wawrinka ha battì il Franzos Jo-Wilfried Tsonga en trais sets cun 7:6, 6:4 e 6:3.

Giugader da tennis svizzer.
Legenda: Stan Wawrinka stat en il mezfinal a Melbourne. Keystone

Stan Wawrinka cuntanscha per la terza giada en sia carriera suenter il 2014 ed il 2015 il mezfinal da l'Australian Open. Il Svizzer da 31 onns ha gudagnà sia partida cunter Jo-Wilfried Tsonga senza difficultads pli grondas. Tsonga è il numer 12 dal mund.

L'onn 2014 ha Wawrinka gudagnà il turnier. En il final ha el battì il Spagnol Rafael Nadal. L'onn suenter ha el pers il mezfinal cunter il Serb Novak Djokovic.

Duel svizzer pussaivel

Sche Roger Federer gudogna sia partida cunter il Tudestg Mischa Zverev (cumenza mardi las 9:00), vegni la gievgia tar il duel svizzer tranter Wawrinka e Federer en il mezfinal dal turnier da Grand Slam a Melbourne.

RR novitads 08:00