Siglir tar il cuntegn
Inhalt

Naziunal/Internaziunal Aur per la Svizra al campiunadi mundial da cursa d'orientaziun

Daniel Hubmann gudogna il sprint cun in avantatg da mo trais secundas. Matthias Kyburz manchenta sco quart, bronz be per ina mesa secunda.

Daniel Hubmann sin il podest cun fluras e la medaglia d'aur.
Legenda: Daniel Hubmann gudogna la medaglia d'aur en il sprint al cumenzament dal campiunadi mundial da la cursa d'orientaziun en l'Estonia. Keystone

Per Hubmann che ha 34 onns è la medaglia al campiunadi actual en l'Estonia gia la setavla medaglia d'aur tar campiunadis mundials – tut en tut gia la 24avla medaglia d'aur. Sco Daniel Hubman ha ditg envers las agenturas da novitads saja quai in fitg impurtant titel per el. Il titel mussia ch'el possia tegnair cun ils megliers dal mund er sch'el na saja betg pli il pli giuven.

Sin plazza dus è il Franzos Frédéric Tranchand e sin plazza trais cun tschintg secundas retard sin Hubmann, il Svedais Jerker Lysell. Uschia n'èn betg ils gronds favurits ids cun las medaglias.

En il sprint da las dunnas daventa Elena Roos sco meglra Svizra sisavla. Sin plazza in è currida Maja Alm dal Danemarc.

RR novitads 17:00