Siglir tar il cuntegn

Header

cuntegn

Naziunal/Internaziunal Aur en il mezmaraton per la Svizra

Il currider svizzer Tadesse Abraham gudogna surprendentamain la cursa al campiunadi europeic d'atletica leva. Er sco team gudogna la Svizra aur.

audio
Atletica leva: Victur dal mezmaraton Tadesse Abraham
ord Sportissimo dals 10.07.2016.
laschar ir. Durada: 31 Secundas.

Il currider da 34 onns procura per l'emprima medaglia d'aur per la Svizra al campiunadi europeic d'atletica leva ad Amsterdam. Il Svizzer ha gudagnà il mezmaraton cun in temp da 1:02:03 uras. Abraham ha gia decis la cursa suenter 17 kilometers, cura ch'el ha auzà il tempo ed uschia distanzià il Tirc Kaan Kigen Özbilen ed il Talian Daniele Meucci.

Er aur per team

Medemamain ha il team svizzer gudagnà la medaglia d'aur a l'ccurrenza dal mezmaraton. Quai grazia al 15avel plaz da Julien Lyon ed il 26avel dad Adrian Lehmann. Per il resultat da team vegnan numnadamain ils trais megliers temps adids.

La cursa da las dunnas ha dominà la Portugaisa Sara Moreira. Meglra Svizra è stada Martina Strähl sco 15avla.

RR novitads 11:00

Artitgels legids il pli savens