Siglir tar il cuntegn

Header

cuntegn

Naziunal/Internaziunal Attatga cunter BVB: Polizia arresta in suspectà

La polizia en Germania ha arrestà ina persuna suspectada che stat para en connex cun las attatgas sin il bus da l’equipa da ballape Borussia Dortmund.

La polizia en Germania ha arrestà ina persuna suspectada che stat para en connex cun las attatgas sin il bus da l’equipa da ballape Borussia Dortmund. En tut dettia quai duas persunas suspectadas ord la scena islamica, ha ditg ina pledadra da la procura publica tudestga. Era ha la pledadra discurri d’ina attatga terroristica cun probabel motiv islamic. Il motiv concret na saja dentant anc betg sclerì.

Las speculaziuns davart ina segunda brev da confess ord la scena extrema sanestra taxescha la procura publica sco pauc vardaivel.

Las trais explosiuns ch'i ha dà ier saira en la vischinanza dal bus dal club da ballape Borussia Dortmund èn stadas «in'attatga intenziunada». Quai ha ditg la polizia. Il giugader da Dortmund, Marc Bartra è vegnì blessà vid il maun. Entant è el vegnì operà.

En consequenza da las explosiuns è il gieu da la Champions League tranter Borussia Dortmund e l'AS Monaco vegnì spustà. El vegn giugà questa saira. Las mesiras da segirtad èn vegnidas augmentadas.

RR novitads 06:00

Artitgels legids il pli savens