Siglir tar il cuntegn

Header

cuntegn

Naziunal/Internaziunal Atlético Madrid stat en il final da la Champions League

En la Champions League cuntanscha Atlético Madrid il final. En il mezfinal perdan ils Spagnols ordaifer cunter Bayern München cun 1:2. Pervi ch'Atlético ha gudagnà a chasa cunter Bayern cun 1:0 ed uschia la finala marcà dapli gols ordaifer che Bayern cuntanschan ils Madrilens il final.

La partida era intensiva tranter Atletico Madrid e Bayern München: Drama, cumbat, gols dal culp liber, conters e dus penaltis betg en gol. L’equipa da Bayern ha empruvà tut da dominar la partida, ma in sbagl ha la defensiun da Bayern fatg. En la 54avla minuta vegn l’Austriac en il dress da Bayern, David Alaba, betg da tegnair il Franzos en il dress d’Atletico, Antoine Griezmann, e lez vegn d’egualisar la partida tar il 1:1. Gia en la 34avla minuta aveva il Spagnol Xabi Alonso manà l’equipa da Bayern cun 1:0 en avantatg. En la 74avla minuta ha alura Robert Lewandoski purtà en avantatg Bayern. Ma in terz gol n’èn ils Tudestgs betg pli vegni da marcar.

Gia per la terza giada Bayern out el mezfinal

Per il trenader da Bayern München Pep Guardiola è quai uss gia la terza giada en seria che sia equipa perda il mezfinal da la Champions League e la terza giada cunter ina equipa da la Spagna. (il 2014 cunter Real Madrid ed il 2015 cunter Barcelona).

Spetgar sin l’adversari

Mesemna vegnì alura tar il segund mezfinal tranter Real Madrid e Mancherster City. En l’emprima partida aveva las duas equipas giugà in pari da 0:0. Il final è alura ils 28 da matg a Milaun en il stadion Giuseppe Meazza. (San Siro)

RR novitads 23:00

Artitgels legids il pli savens