Siglir tar il cuntegn

Header

cuntegn

Atletica leva Mujinga Kambundji erta medaglia da bronz

Mujinga Kambundji erta la medaglia da bronz sur 60 meters al campiunadi europeic en halla d’avant trais onns a Belgrad. L'Ucranaisa Olesja Powch – ch’aveva gudagnà argient – è stada dopada.

Olesja Powch era schon l'onn 2017 vegnida testada positiv sin doping. Sinaquai na po ella per quatter onns betg pli far cursas. Suenter ch'ella uss ha fatg naufragi en la procedura d’appellaziun ha la Federaziun internaziunala stritgà ses resultats a partir da il 15 da zercladur 2016.

Da quai profitescha Mujinga Kambundji, ella erta la medaglia da bronz. Per la sportista da 28 onns è quai l'emprima medaglia en in campiunadi europeic en halla. La ceremonia da medaglia vegn ad esser questa saira a Bellinzona.

video
Ord l'archiv da SRF: Il sprint final da Mujinga Kambundji
Or da Sport-Clip dals 05.03.2017.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga