Christian Baumann ha partì il segund plaz cun Marius Berbecar da la Rumenia ch'ha gì exact tuttina blers puncts. Gudagnà aur ha Oleg Wernjajew da l'Ucraina.
Giulia Steingruber è vegnida battida mo da la nova campiunessa d'Europa Claudia Fragapane e da la russa Xenia Afanaseva.
Set cumplet da medaglias per Steingruber
Steingruber turna uschia cun in set cumplet da medaglias dal campiunadi d'Europa. Aur en la cumbinaziun da tuttas disciplinas, argient en il segl ed uss bronz en la gimnastica per terra.
5 medaglias per la Svizra
Tar ils umens aveva Christian Brägger gudagnà sonda bronz en la gimnastica per terra. La Svizra ha pia gudagnà en tut 5 medaglias a quest campiunadi d'Europa.
RR sportissimo 17:00