Siglir tar il cuntegn

Header

Navigaziun

Sandro Simonet
Legenda: Sandro Simonet vul far furora en la cumbinaziun dal campiunadi mundial. Keystone
cuntegn

Are 2019 «Mia finamira è ina medaglia»

Sandro Simonet è per l'emprima giada da la partida ad in campiunadi mundial. Per il Surmiran n'è esser da la partida dentant betg avunda. El vul tegnair pitg als megliers.

Per Sandro Simonet va in siemi en vigur. Da sa participar ad in campiunadi mundial è adina stà ina gronda finamira per il giuven da 23 onns. Dapi ch'el ha trais onns va el cun skis e dapi lura èsi era la gronda passiun. El haja da pitschen ensi adina gì la finamira da daventar profi.

La WM ad Are – ina emprima pajaglia

Questa stagiun n'è betg adina tut ì optimal per il skiunz da Casti. En sia disciplina da parada, il slalom, è el savens crudà ora. Sa qualifitgà per il campiunadi mundial è Sandro Simonet grazia ad in 11avel plaz en la cumbinaziun da Wengen.

La participaziun ad in campiunadi mundial è adina stà in siemi.
Autur: Sandro Simonet

Ad Are datti per el mo ina devisa – el veglia attatgar. Ad in campiunadi mundial quinta, la fin finala, mo la medaglia. Il Surmiran sa che la concurrenza è gronda. Ma sch'el tutga in di perfetg, lura saja bler pussaivel e tut tenor era ina medaglia.

RR Actualitad 07:15