Il contract da l’attatgader Mark Arcobello fiss anc ir fin l’avrigl 2018. Ussa èn il club da la chapitala e l’American sa cunvegnids da prolungar quel per dus onns, quai cun ina cunvegna decisiva. Durant ch’il contract actual cuntegneva anc ina clausula da sortida da la National Hockey League croda quella en il nov contract.
75 puncts en 66 gieus
Mark Arcobello è stà ina da las grondas figuras dal davos campiunadi svizzer da hockey. En la qualificaziun ha l’American recaltgà 55 puncts en 50 gieus. En ils playoffs ha Arcobello fatg 20 puncts en 16 gieus ed è uschia stà in grond agid per Berna sin via al nov titel da campiun svizzer.
RR actualitad 12:00