Siglir tar il cuntegn
cuntegn

Naziunal/Internaziunal Andri Ragettli gudogna classament general dal slopestyle

Andri Ragettli po festivar ses 11avel plaz da podest en la cuppa mundiala dal slopestyle. En l'Italia, sin la Seiser Alm, è il Grischun da 19 onns vegnì segund davos l'American Nicholas Goepper.

L'atlet da slopestyle Andri Ragettli.
Legenda: Andri Ragettli durant ina conferenza da medias a Pyeongchang. Keystone

Il podest

  • Nicholas Goepper (USA)
  • Andri Ragettli (SUI)
  • James Woods (GBR)

Grazia a quest segund plaz ha Ragettli segirà la culla da cristal sco victur dal classament general. Il giuven da Flem ha gudagnà gia la segunda giada questa culla suenter il 2016.

Adina sin il podest

Andri Ragettli è stà tar tut las tschintg cumpetiziuns da la cuppa mundiala, nua ch’el è stà da la partida sin il podest. A Snowmass en ils Stadis Unids è el perfin stà sisum dal tut. Ils gieus olimpics a Pyeonchang percunter èn stads ina dischillusiun. Là è el vegnì settavel.

RR novitads 15:00