Siglir tar il cuntegn

Naziunal/Internaziunal Andre Agassi e Novak Djokovic van differentas vias

Il giugader da tennis Novak Djokovic è gia puspè senza trenader. Andre Agassi il banduna.

Novak Djokovic.
Legenda: Tgi che trenescha suenter il giugader na san ins anc betg. Keystone

Suenter radund 10 mais ha Andrea Agassi decidì da betg pli trenar il giugader da tennis Novak Djokovic. Tgi che daventa il nov trenader da Djokovic, n’è anc betg enconuschent.

«Nus essan d'accord che nus avain bler memia savens differents avis», ha il trenader declerà envers l’emettur da televisiun ESPN. Djokovic sez n’ha anc betg prendì posiziun en chaussa.

Mo ina victoria

Agassi aveva cumenzà a trenar l'anteriur numer 1 dal mund il matg 2017. La fin fanadur aveva Djokovic stuì interrumper la stagiun pervia d'ina blessura dal cumbel. Il return il 2018 è stà difficil: al Australian Open ha Djokovic pers l'otgavel final cunter Chung Hyeon ed ad Indian Wells e Key Biscayne è el crudà or en l'emprima runda. Gudagnà ha el durant la collavuraziun cun Agassi mo il turnier ad Eastbourne il zercladur 2017.

RR novitads 11:00