Naziunal/Internaziunal - Anc ina victoria e lura è Federer puspè il numer 1
Al turnier da pastget a Stuttgart ha Federer battì l'Argentin Guido Pella cun 6:4 e 6:4 e stat en il mezfinal. Sch'el gudogna er lez è il Svizzer danovamain il numer 1 dal mund.
En ses segund gieu suenter la pausa da bunamain trais mais n'ha il Svizzer mussà nagins gronds problems. In break en mintga set ha bastà per sa qualifitgar per il mezfinal.
Sonda dat Federer il mezfinal u encunter l'Australian Nick Kyrgios u il Spagnol Feliciano Lopez. Là dat el d'ina vart per vegnir en il final sco er per daventar danovamain il numer 1 dal mund.
