Siglir tar il cuntegn

Naziunal/Internaziunal Americanas èn danovamain campiunessas mundialas

Las dunnas dals Stadis Unids èn campiunessas mundialas da hockey sin glatsch - quai per la terza giada en roda. En il final a Kamloops en il Canada han ellas battì la squadra indigena cun 1:0 suenter prolungaziun.

quatter giugadras da hockey sa legran dal titel da campiunessas mundialas
Legenda: Las giugadras americanas celebreschan lur victoria. Keystone

Il gol decisiv ha sajettà en la 73avla minuta Alexandra Carpenter, quai curt suenter ina fasa da powerplay senza success.

Igl è stà il 17avel final en roda tranter las duas naziuns dapi l'emprim campiunadi mundial il 1990 ad Ottawa. Set da las nov ultimas medaglias d'aur èn idas en ils Stadis Unids da l'America. Las dunnas dal Canada han gudagnà l'ultima giada il 2012 il campiunadi mundial. Ellas han dentant gudagnà aur als ultims 4 gieus olimpics d'enviern.

RR novitads 8:30