Siglir tar il cuntegn

Header

audio
American football: Michel Derungs: Calanda Broncos – Wild Boars
Or da Sportissimo dals 25.05.2019.
laschar ir. Durada: 3 minutas 25 Secundas.
cuntegn

American Football Broncos en il final da la cuppa d’Europa

Ils Calanda Broncos èn sa qualifitgads per il final da la Central European Football League. L’equipa grischuna d’american football ha battì a Cuira il campiun da la Serbia Kragujevac Wild Boars cun 37:33.

En il final da quest turnier europeic che vegn giugà la sonda ils 8 da zercladur, pli probabel ad Innsbruck, fruntan ils Broncos sin ils Swarco Raiders dal Tirol, il campiun austriac. Sin via en quest final han ils Calanda Broncos er battì ils Wroclaw Panthers da la Pologna ed il campiun da la Tirchia, ils Istanbul Koç Rams.

Il numer 1 en Svizra

En il campiunadi svizzer han ils Broncos gudagnà fin oz tschintg da sis gieus. Sulet ordaifer cunter ils Genevra Seahawks ha l’equipa grischuna stuì magunar la fin mars ina stretga terrada. La proxima fin d’emna fruntan ils Calanda Broncos ordaifer sin ils Lucerna Lions. La gronda finamira dals Broncos è da defender il titel da campiun svizzer. Ils davos diesch onns han ils Grischuns gudagnà otg giadas quest titel.

RR Sportissimo 12:00

Artitgels legids il pli savens