Siglir tar il cuntegn

Header

cuntegn

Naziunal/Internaziunal Ambühl betg al campiunadi mundial

Il giugader da hockey dal HCD Andres Ambühl n’è betg da la partida als proxims campiunadis mundials en il Danemarc.

Il trenader da la squadra naziunala Patrick Fischer e ses club il HCD hajan decis da dar ina pausa ad Ambühl, communitgescha Swiss Ice Hockey. Quai suenter la lunga stagiun cun campiunadi, la Champions Hockey League, la Cuppa Spengler ed ils gieus olimpics. Plinavant ha Ambühl laschà operar mez mars ina blessura vi d’in pe.

Quai è l’emprima giada dapi 14 onns, che Ambühl na fa betg part da la squadra naziunala.

Du Bois e Stephan chalan

Betg pli a disposiziun a la squadra naziunala stattan il defensur dal HCD Félicien Du Bois, ed il goli Tobias Stephan. Omadus giugaders han 34 onns. Els sa retiran damai ch’els dovrian dapli temp per sa revegnir da las partidas, ed els veglian sa focussar en il futur anc pli fitg sin lur clubs Tavau e Zug.

Trais novizs en il dress svizzer

Da nov part da la naziunala svizra dal hockey fan il goli dal HCD Joren van Pottelberghe, ed ils dus defensurs Tobias Geisser (Zug) e Miro Zryd (SCL Tigers). Durant il mais d’avrigl ha la squadra naziunala plirs gieus da test, ils emprims ils 4 ed ils 5 cunter la Tschechia.

RR novitads 06:00

Artitgels legids il pli savens