L'onn passà avevan Orenos e Paris gia gudagnà la cursa, lura dentant la varianta lunga da 191 kilometers, sur ils pass Alvra, Malögia e Spleia. Pervi dad ina bova dalla vart taliana dal Spleia n'han ils ciclists dentant betg dastgà passar quest onn il Pass dal Spleia.
3:38:04
Graziano Paris ha duvrà per ils 116 kilometers da l'Alpen Challenge 3 uras, 38 minutas e 4 secundas. La pli sperta dunna, Lailo Orenos, gnanc 20 minutas pli ditg, numnadamain 3 uras, 57 minutas e 42 secundas. Segunda è Nina Zoller da Cuira.
In success grischun hai dà en la categoria «masters» da las dunnas. Quai è la categoria da las ciclistas sur 40 onns. Quella ha Judith Huonder da Mustér gudagnà. En la rangaziun da tuttas categorias è Huonder 5avla.
RR Sportissimo 17:00