Siglir tar il cuntegn
Inhalt

Naziunal/Internaziunal Alexis Pinturault triumfescha sin la «Face de Bellevarde»

Tar il slalom gigant a Val d'Isère gudogna il Franzos avant il Tudestg Stefan Luitz e l'Austriac Marcel Hirscher.

Purtret Alexis Pinturault
Legenda: Per Pinturault è quai la 20avla victoria en la cuppa mundiala. Keystone

En il slalom gigant a Val d'Isère ha in Franzos nizzegià l'avantatg da chasa. Alexis Pinturault ha mussà ina buna segunda cursa ed ha gudagnà sco gia l'onn avant sin la pista Face de Bellevarde. Sin il segund plaz – cun in retard da 28 tschientavels – è il Tudestg Stefan Luitz. Marcel Hirscher che manava suenter l'emprim percurs ha gì bregia en la segunda cursa ed è dà enavos sin il terz plaz cun in retard da 54 tschientavels.

Emprim svizzer sin rang 11

Il megler Svizzer è Justin Murisier sin plazza 11. Il Vallesan ha mussà l'emna passada a Beaver Creek in bun slalom gigant. Lura è el anc vegnì tschintgavel. Il Grischun Gino Caviezel è vegnì oz sin plazza 15. Puncts da la cuppa mundiala recaltgan era Elia Zurbriggen sin plazza 21 e Luca Aerni sin plazza 26. Per il Bernais èn quai ils emprims puncts insumma en la disciplina dal slalom gigant.

RR novitads 14:00