Siglir tar il cuntegn
cuntegn

Naziunal/Internaziunal Alexis Pinturault cun sia emprima victoria al Chuenisbärgli

Alexis Pinturault triumfescha l'emprima giada ad Adelboden. Il Franzos gudogna cun in avantatg piz a cup da 4 tschientavels sin l'Austriac Marcel Hirscher. Manuel Pleisch evitescha in debachel per la Svizra al slalom gigant ad Adelboden.

Alexis Pinturault triumfescha l'emprima giada ad Adelboden.
Legenda: Alexis Pinturault triumfescha l'emprima giada ad Adelboden. Keystone

Il podest dal slalom gigant al «Chuenisbärgli» vegn cumplettà cun Philipp Schörghofer, in ulteriur Austriac, che perda bunamain 2 secundas sin il victur Pinturault.

Il podest

1. Alexis Pinturault (F) 2:23.99
2. Marcel Hirscher (A) +0.04
3. Philipp Schörghofer (A) +1.94

Per ils Svizzers han las cursas da chasa cumenzà cun ina pulita trumpada. Il sulet che figurescha en la glista da rangaziun ed ha evità in debachel total è il Grischun Manuel Pleisch sco 23avel. Justin Murisier, Gino Caviezel - ils dus ferms en la disciplina slalom gigant - èn crudads ora gia en l'emprim percurs.

Ed anc insatge per ils cudeschs d'istorgia. Cun ses segund plaz ad Adelboden po Marcel Hirscher festegiar sia 100avla plazza da podest en la cuppa mundiala da skis.

RR novitads 15:00